aktivitete – ZVAP Kukës

Zhvillohet në Kukës panairi lëvizës “Work & Study” 2023

MirgentKastrati — Wed, 08 Mar 2023 19:58:34 +0000

U zhvillua sot me maturantët e ZVAP Kukës panairi lëvizës “Work&Study” në kuadrin e Ditëve të Informimit të Maturantëve.

Qëllimi i këtij panairi është njohja dhe informimi i nxënësve maturantë me institucionet e arsimit të lartë dhe programet e studimit që ato ofrojnë.

#ditëteinformimittëmaturantëve #workandstudy #ZVAPKukës

Festivali Folklorik Kukës 2023

MirgentKastrati — Fri, 24 Feb 2023 19:32:05 +0000

Në pallatin e kulturës “Hasan Prishtina”, Kukës u zhvillua festivali folklorik në rang ZVAP-je në kuadër të Festivalit Folklorik Rajonal Lezha 2023. Me pjesëmarrjen e 22 shkollave, ky festival kishte për qëllim ruajtjen, trashëgimin, promovimin e traditave, të kulturës materiale e jomateriale, si shtylla mbi të cilat kemi ndërtuar dhe zhvilluar identitetin e zonës sonë. Çdo shkollë u prezantua me një material folklorik që shprehte përkushtimin, dëshirën dhe vullnetin e nxënësve për një prezantim sa më dinjitoz të traditës. Në ngjyrat e kostumeve folklorike, në vallet e hershme, në tingujt e çiftelisë, në ninullat e djepit, në interpretimet e hershme u përcoll pasuria kulturore e zonës së Kukësit. ?? Zyra Vendore e Arsimit Parauniversitar vlerësoi angazhimin dhe përkushtimin e secilës shkollë, duke uruar vijimësinë e aktiviteteve që kanë në qendër ruajtjen dhe përcjelljen e trashëgimisë kulturore. #ZVAPKukës #FestivaliParëFolklorik

Zyra Vendore e Arsimit Parauniversitar Kukës në bashkëpunim me Klubin e Shahut Kukës OJF zhvilloi sot kampionatin e shahut për shkollat 9-vjeçare të Bashkisë Kukës.

MirgentKastrati — Thu, 24 Nov 2022 15:14:12 +0000

Zyra Vendore e Arsimit Parauniversitar Kukës në bashkëpunim me Klubin e Shahut Kukës OJF zhvilloi sot kampionatin e shahut për shkollat 9-vjeçare të Bashkisë Kukës.

Shkollat pjesëmarrëse ishin:

1.Shkolla 9-vjeçare “Vehbi Shehu” Bicaj

2.Shkolla e mesme e bashkuar “Imer Mata” Zapod

3.Shkolla 9-vjeçare “Bajram Curri” Kukës

4.Shkolla 9-vjeçare “Avni Rustemi” Kukës

5.Shkolla 9-vjeçare “Nuredin Braha” Bushat 6.Shkolla 9-vjeçare “Gani Sadiku” Nangë

7.Shkolla 9-vjeçare “Riza Spahiu” Kukës

8.Shkolla 9-vjeçare “Lidhja e Prizrenit” Kukës

9.Shkolla 9-vjeçare “1 Qershori” Kukës

10.Shkolla e mesme e bashkuar “Elmaz Ademi” Bardhoc

11. Shkolla 9-vjeçare “Sali Bruka” Malqene

12.Shkolla 9-vjeçare “Shaban Murati” Lusën

13. Shkolla e mesme e bashkuar “Qazim Shehu” Shtiqën

14. Shkolla e Mesme e Bashkuar Shemri

15. Shkolla 9-vjeçare Kalimash

16. Shkolla 9-vjeçare “Hamdi Pelivani” Orgjost

17. Shkolla e mesme e bashkuar “Ahmet Voka” Gostil.

Morën pjesë 14 ekipe nga 17 shkolla, nga ku u angazhuan 61 fëmijë dhe u zhvilluan 232 ndeshje.

Në finale dolën 3 ekipe sipas renditjes së mëposhtme:

1. Shkolla 9-vjeçare “Bajram Curri” Kukës,

2. Shkolla e mesme e bashkuar “Imer Mata” Zapod

3.Shkolla 9-vjeçare “Vehbi Shehu” Bicaj.

Zyra Vendore Arsimore Kukës vlerëson angazhimin maksimal të nxënësve dhe mësuesve të Edukimit fizik që bashkë me specialistët e Klubit të Shahut monitoruan lojën e shahistëve të vegjël.

#ZVAPKukës

Sot ne shkollën “Beqir Hamza”Novosej me dashurinë , krenarinë per Atdheun dhe flamurin shqiptarē u zhvillua aktiviteti me recitime ,interpretime dhe valle popullore.

MirgentKastrati — Thu, 24 Nov 2022 08:29:21 +0000

Sot ne shkollën “Beqir Hamza”Novosej me dashurinë , krenarinë per Atdheun dhe flamurin shqiptarē u zhvillua aktiviteti me recitime ,interpretime dhe valle popullore.

Ju lumtë nxënës për bukurinë dhe gjallërinë që i dhatë shkollës .Falenderojmë të gjithë mësuesit ,por një falenderim i veçantë është për mësuese Mahmudije Onuzi ,që me përkushtim të madh organizoi këtë aktivitet kaq tè bukur !GËZUAR FESTAT !

Takim i rrejteve Profesionale (Zvap Kukës)

MirgentKastrati — Sat, 24 Sep 2022 13:44:27 +0000

Në kuadër të zhvillimit profesional të mësuesve , sot në ambientet e shkollës 9-vjeçare “Avni Rustemi” Kukës, ora 9:00 drejtuesit e rrjeteve profesionale zhvilluan një takim me të gjithë mësuesit sipas profileve.

Duke pasur parasysh qëllimin që funksionimi cilësor i rrjeteve është një nga format më efektive të zhvillimit profesional të punonjësve arsimorë në nivel lokal, ata diskutuan Udhëzimin nr.17 , datë 05.07.2022 të MAS “Për vlerësimin e nxënësve ne arsimin parauniversitar”; hartimin e planeve lëndore vjetore dhe ato të periudhës, të planit vjetor të rrjetit dhe çdo problematikë tjetër.

Zyra Vendore Arsimore Kukës vlerëson bashkëpunimin dhe përkushtimin duke uruar dhe një vit të mbarë mësimor.

Zyra Vendore Arsimore Kukës zhvillon nje takim pune me të gjithë drejtuesit e rrjeteve profesionale

MirgentKastrati — Fri, 02 Sep 2022 14:34:50 +0000

Në kuadër të zhvillimit profesional të mësuesve sot ne Zyrën Vendore Arsimore Kukës në drejtimin e drejtorit të ZVA z. Albert Muja dhe specialistëve u zhvillua nje takim pune me të gjithë drejtuesit e rrjeteve profesionale me tematikë: Funksionimi i rrjeteve profesionale si një nga format më efektive të zhvillimit profesional të punonjësve arsimorë në nivel lokal. Në takim u miratua kalendari i takimeve mujore, u orientuan drejtuesit e rrjeteve që në takimin e rradhës të punojnë Udhëzimin nr. 17, datë 05.07.2022 të MAS “Për vlerësimin e nxënësve ne arsimin parauniversitar”, hartimin e planeve lëndore vjetore dhe ato të periudhës, të planit vjetor të rrjetit dhe të diskutohet për çdo problematikë që mund të kenë mësuesit. Takimi i radhës me gjithë punonjësit arsimorë si ZVAP do të zhvillohet me datë 6 shtator, ora 9:00 në shkollën “Avni Rustemi” Kukës.

Ministrja e Arsimit dhe Sportit merr pjesë në analizën vjetore të arsimit në Kukës

MirgentKastrati — Mon, 23 Jan 2017 14:15:58 +0000

Pas Shkodrës, ministrja e Arsimit dhe Sportit znj. Lindita Nikolla, zhvilloi një vizitë në shkollat e qytetit të Kukësit. Në takimin me mësuesit dhe nxënësit e shkollës 9 vjeçare “Vehbi Shehu” ministrja e Arsimit theksoi se reforma e kurrikulës mundësoi riorganizimin e procesit të nxënies, duke u orientuar nga krijimi i kushteve ku nxënësit të ndërtojnë njohuri të reja dhe kompetencat kyçe. Ministrja Nikolla, në takimin e saj me mësuesit e shkollës “Vehbi Shehu”, vuri theksin tek rëndësia e rolit të mësuesit në arsim, duke i cilësuar ata si faktorë kyç. Në bashkëbisedimin me znj. Ministre, mësuesit shkollës 9-vjeçare “Vehbi Shehu” theksuan se kurrikula e re është e përshtatshme për nxënësit, pasi i përgatit ata më mirë për jetën.

Ministrja Nikolla vizitoi shkollën “Bajram Curri” – Kukës, nxënësit e së cilës sot mësojnë në mjedise bashkëkohore. Kjo falë dhe MAS-it që mundësoi restaurimin e godinës në vitet 2014-2015. Ministrja Nikolla theksoi se i njëjti standard do të ndiqet në të gjitha shkollat e Kukësit dhe jo vetëm. Ndërsa, znj. Vjollca Shehu – drejtore e shkollës 9-vjeçare “Bajram Curri” theksoi se godina e restauruar ka ngrohje qendrore dhe plotëson të gjitha kushtet e një shkolle me standarde europiane.

Gjithashtu, në sajë të financimit të MAS-it, në qytetin e Kukësit është mundësuar restaurimi në 16 objekte shkollore dhe 4 palestra e mjedise sportive. Buxheti i arsimit mbulon edhe transportin e 301 mësuesve dhe 1987 fëmijëve të Kukësit.

Për t’u ardhur në ndihmë mësuesve që punojnë në klasa kolektive, ministrja e Arsimit dhe Sportit, znj. Lindita Nikolla, dhuroi aparate audiovizive dhe platformën dixhitale të mësimdhënies.

Megjithese me klasa kolektive mësuesit e kësaj shkolle vleresuan reformën ne kurrikul dhe programet mësimore si dhe konfirmuan gjithashtu se formimi me bazë kompetencen i ndihmon ata ta bejnë më interesante orën e mësimit.

Në takimin me maturantët e gjimnazit “ Bajram Abdiu” në rrethin e Kukësit znj. ministre theksoi mënyrën e informimit të tyre për të zgjedhur siç duhet degët ku ata dëshirojnë të studiojnë në shkollë të lartë. Ministrja Nikolla deklaroi se skema e re e pranimeve është plotësisht në funksion të meritës së tyre.

Ministrja Nikolla, në përfundim të vizitës së saj në Qarkun e Kukësit, mori pjesë edhe në analizën e punës se Drejtorisë Arsimore Rajonale të Kukësit.

https://arsimi.gov.al/ministrja-e-arsimit-dhe-sportit-merr-pjese-ne-analizen-vjetore-te-arsimit-ne-kukes/