Lajme – ZVAP Kukës

Vlerësimi dhe Rënditja e kandidatëve të listës pritëse (ZVAP Kukës)

MirgentKastrati — Fri, 08 Sep 2023 07:47:36 +0000

Rënditja e kandidatëve të listës pritëse, sipas profileve:

VITI SHKOLLOR 2023-2024

Sqarim: Për të ruajtur privatësinë, janë dhënë tre karakteret e para dhe tre karakteret e fundit të numrit personal.

Klikoni butoni shkarko për të parë listën sipas rënditjes përkatëse të atij profili.

ARSIM FILLOR:SHKARKO

ARSIM SPECIAL: SHKARKO

ARTE: SHKARKO

BIOLOGJI: SHKARKO

EDUKIM FIZIK: SHKARKO

FIZIKË: SHKARKO

GJEOGRAFI: SHKARKO

GJUHË ANGLEZE: SHKARKO

GJUHË SHQIPE DHE LETËRSI: SHKARKO

HISTORI: SHKARKO

KIMI: SHKARKO

MATEMATIKË: SHKARKO

MUZIKË: SHKARKO

SHKENCA SOCIALE: SHKARKO

TEKNOLOGJI INFORMACIONI: SHKARKO

Njoftim: Punisimi i mësuesve nga lista pritëse.

MirgentKastrati — Thu, 06 Jul 2023 08:38:56 +0000

Në zbatim të Udhëzimit Nr.12, datë 10.06.2021 të MASR “Për procedurat e emërimit të mësuesit në një vend të lirë pune në institucionet arsimore publike të arsimit parauniversitar dhe për administrimin e portalit Mësues për Shqipërinë” kreu 9, pika 5, deri në plotësimin e vendit të lirë të punës nga lista e portalit të ZVAP-së, ose nga kandidatë të portalit nga të gjitha ZVAP-të, bëhet punësim me afat të caktuar me kandidatë të tjerë të interesuar, të cilët kanë paraqitur kërkesë në ZVAP, duke bërë renditjen e tyre. Listat e kandidatëve të kësaj kategorie bëhen publike në faqen elektronike të ZVAP-së, dërgohen në DRAP 5 (pesë) ditë para fillimit të vitit shkollor dhe përditësohen, nëse gjatë vitit ka kërkesa të tjera.

ZVAP Kukës iu informon se mund të dorëzojnë dosjet me dokumentacionin përkatës të gjithë kandidatët e interesuar për tu punësuar pranë kësaj zyre arsimore të cilët nuk janë pjesë e portalit Mësues për Shqipërinë.

Dokumentet që duhet të përmbajë dosja janë si më poshtë:

Kërkesë më shkrim
CV
Kopje e motorizuar e diplomave (Bachelor, Master)
Kopje e noterizuar e licencës (nëse e zotëroni)
Dëshmi e njohjes së gjuhëve të huaja e noterizuar (nëse e zotëroni)
Libreze pune e noterizuar (nëse e zotëroni)
Certifikata trajnimesh me kreditë të noterizuara (nëse i zotëroni)
Fotokopje e kartës së identitetit.

Dorëzimi i dosjeve të bëhet nga data 5-30 korrik me anë të shërbimit postar në adresën e Zyrës Vendore të Arsimit Parauniversitar Kukës. Pas vlerësimit të të gjitha dosjeve do të bëhet renditja e tyre sipas pikave dhe do të kalojnë tek LISTA NË PRITJE.

Duke ju falënderuar për bashkëpunimin,

Si bëhet përshkrimi i nxënësve në fund të vitit shkollor?

MirgentKastrati — Sun, 02 Jul 2023 12:39:02 +0000

Në fund të vitit shkollor, mësuesit bëjnë përshkrimin e sjelljes së nxënësve ose karakteristikës së nxënësve siç i referohen shumica prej tyre. Në fakt ai është vlerësimi i nxënësve për zhvillimin e kompetencave kyçe. Ky vlerësim bazohet në rezultatet e të nxënit të kompetencave kyçe për shkallën përkatëse dhe realizohet nga mësuesit kujdestar në bashkëpunim me mësuesit e të gjitha lëndëve.

Me shumë të drejtë secili nga ju që lexon këtë artikull do të pyes. Ka një dokument që unifikon terminologjinë që duhet të përdorin mësuesit për të realizuar këtë vlerësim?

Për t’ju përgjigjur kësaj pyetje duhet të kujtojmë diçka. Me hyrjen në zbatim të kornizës së re kurrikulare në vitin 2014, Arsimi Parauniversitar ndahet në gjashtë shkallë dhe secila prej tyre ka rezultatet e të nxënit të kompetencave kyçe për atë shkallë.

Më poshtë, tabela me shkallët e kurrikulës dhe klasat përkatëse që i përkojnë asaj shkalle.

Për të kuptuar më qartë të gjithë kornizën kurrikulare duhet të lexojmë KORRNIZËN KURRIKULARE të miratuar nga ASCAP.

Tani kalojmë tek ajo çfarë na duhet ne për të bërë vlerësimin e nxënësve për zhvillimin e kompetencave kyçe. Për të realizuar këtë na vijnë në ndihmë tre dokumente:

Klikoni mbi emrin e çdo dokumenti për të bërë shkarkimin e tij.

Secili dokument, secila kurrikul bërthamë jep tabelën e rezultateve të të nxënit të kompetencave kyçe për çdo shkallë.

Marrim një shqyrtim një situatë reale dhe tregojmë procedurën që duhet të ndjek mësuesi për realizimin e vlerësimit.

Do të vlerësojmë një nxënës në klasë të IV, që duke iu referuar kornizës kurrikulare kjo klasë përkon me shkallën II. Hapim KURRIKULËN BËRTHAMË PËR KLASËN PËRGATITORE DHE ARSIMIN FILLOR dhe më pas gjejmë tabelën përkatëse. Në faqen 19 të këtij dokumenti gjejmë tabelën e cila nisë me titullin: Tabela e rezultateve të të nxënit të kompetencave kyçe për shkallën 2. Këto rezultate janë të ndara për të shtatë kompetencat kyçe. Në varësi të arritjeve të secilit nxënës atëherë marrim nga këto rezultate ato që nxënësi që ne po vlerësojmë ka arritur apo që janë më të përshtatshme për të.

Shembull: Nxënës nivel mesatar

Beni Shpreh përjetimet që e kanë shoqëruar gjatë shikimit dhe dëgjimit të një filmi, dokumentari, ekspozite, dramatizimi, recitimi, interpretimi muzikor ose leximit të një libri në njërën nga format shprehëse. Shpreh me gojë dhe me shkrim fjali të thjeshta në gjuhën e huaj dhe i përkthen në gjuhën amtare. Zgjidh problemin dhe detyrën e dhënë në gjuhë, matematikë, shkenca natyrore dhe shoqërore ,duke dhënë shembuj nga jeta e përditshme për situata të ngjashme. Identifikon dhe krahason informacionet e njohura me ato të panjohura për një temë, çështje apo ngjarje të caktuar, duke përdorur teknika të ndryshme. Jep shembuj të punës me teknologjitë, të zgjidhjeve, qe na ofron në jetën e përditshme, në bazë të të cilave ne marrim vendimet tona.

Shembull: Nxënës shembullor

Goni Identifikon personazhet kryesore të një tregimi, drame, filmi, kënge dhe i analizon duke bërë një listë tiparet e tyre, diskuton rreth tyre, luan rolin e njërit prej personazheve në bashkëveprim me moshatarët. Dallon lëndët, trupat, objektet, dukuritë natyrore apo shoqërore të dhëna në detyrë sipas karakteristikave përkatëse, si: përbërjes, vetive, shndërrimeve apo vendndodhjes në kohë e hapësirë dhe bashkëveprimit të tyre. Përdor dhe zbaton në mënyrë efektive informacionin /njohuritë për zgjidhjen e një problemi /detyre të caktuar, përmes shfrytëzimit të TIK-ut apo burimeve të tjera. Propozon dhe ndan mendimin me shokët/shoqet e klasës për procedurën e zgjedhjes së anëtarëve të grupeve, përbërjen dhe rolin e tyre në aktivitete të ndryshme mësimore, këshilla të klasës/shkollës etj.

Për shkak se këtë vit, vlerësimi për nxënësit është bërë në sistemin SMIP është e nevojshme që të shkruajmë më shumë informacion për nxënësit sepse sistemi e lejon një gjë të tillë, ndryshe nga shkrimi me dorë që kërkon më shumë hapësire.

Për lehtësi mund të krijohen edhe disa modele që i përshtaten nivelit të nxënësve dhe më pas këto nivele mund të përdoren për nxënës të ndryshëm të atij niveli.

Mirgent Kastrati

Specialist në Sektorin e Monitorimit të Kurrikulës dhe Zhvillimit Profesional (MKZHP)

ZYRA VENDORE E ARSIMIT PARAUNIVERSITAR KUKËS

Festivali Folklorik Kukës 2023

MirgentKastrati — Fri, 24 Feb 2023 19:32:05 +0000

Në pallatin e kulturës “Hasan Prishtina”, Kukës u zhvillua festivali folklorik në rang ZVAP-je në kuadër të Festivalit Folklorik Rajonal Lezha 2023. Me pjesëmarrjen e 22 shkollave, ky festival kishte për qëllim ruajtjen, trashëgimin, promovimin e traditave, të kulturës materiale e jomateriale, si shtylla mbi të cilat kemi ndërtuar dhe zhvilluar identitetin e zonës sonë. Çdo shkollë u prezantua me një material folklorik që shprehte përkushtimin, dëshirën dhe vullnetin e nxënësve për një prezantim sa më dinjitoz të traditës. Në ngjyrat e kostumeve folklorike, në vallet e hershme, në tingujt e çiftelisë, në ninullat e djepit, në interpretimet e hershme u përcoll pasuria kulturore e zonës së Kukësit. ?? Zyra Vendore e Arsimit Parauniversitar vlerësoi angazhimin dhe përkushtimin e secilës shkollë, duke uruar vijimësinë e aktiviteteve që kanë në qendër ruajtjen dhe përcjelljen e trashëgimisë kulturore. #ZVAPKukës #FestivaliParëFolklorik

“Kampioni në shkollën time”, Ministrja Kushi dhe sportisti medalist Erkand Qerimaj në shkollën 9-vjeçare “Kamza e Re”

MirgentKastrati — Wed, 18 Jan 2023 22:10:15 +0000

Projekti frymëzues “Kampioni në shkollën time”, një nismë e Ministrisë së Arsimit dhe Sportit ka vijuar në shkollën 9-vjeçare “Kamza e Re” me sportistin e mirënjohur Erkand Qerimaj.

Në një video të postuar në rrjete sociale Ministrja Kushi shkruan:

“Vitin 2023 e nisim me sportistin medalist, kampionin që ka ngritur lart shumë herë flamurin kuqezi, Erkand Qerimaj. Së bashku i inkurajojmë nxënësit drejt sporteve, jetës së shëndetshme dhe modeleve më të mira të suksesit në shoqëri”.

https://www.facebook.com/kushievis/videos/674066084403243

Në përvjetorin e vdekjes së Heroit Kombëtar Gjergj Kastrioti – Skënderbeu: Çdo të hënë, procesi mësimor do të nisë me Himnin e Flamurit

MirgentKastrati — Tue, 17 Jan 2023 21:33:21 +0000

Në përvjetorin e vdekjes së Heroit Kombëtar Gjergj Kastrioti – Skënderbeu, Ministrja e Arsimit dhe Sportit Evis Kushi ka postuar një video të veçantë të realizuar nga shkolla të ndryshme në 12 qarqet e vendit.

Me këtë rast, znj. Kushi bën të ditur se duke nisur nga java e ardhshme, çdo të hënë në të gjitha shkollat e vendit, para nisjes së procesit mësimor do të këndohet Himni i Flamurit.

POSTIMI I MINISTRES KUSHI:

MIRËMËNGJES

dhe me Himnin e Flamurit që këndohet nga të gjithë nxënësit e shkollave sot, në ditën e 555-Vjetorit të vdekjes së Heroit tonë Kombëtar, Gjergj Kastrioti SKËNDERBEUT, si edhe me vendimin që kështu do të këndohet himni në çdo shkollë, në krye të çdo jave të re mësimore, ju uroj një ditë të mbarë.

https://fb.watch/i61o2p9BTe/?mibextid=cr9u03

Zyra Vendore e Arsimit Parauniversitar Kukës në bashkëpunim me Klubin e Shahut Kukës OJF zhvilloi sot kampionatin e shahut për shkollat 9-vjeçare të Bashkisë Kukës.

MirgentKastrati — Thu, 24 Nov 2022 15:14:12 +0000

Zyra Vendore e Arsimit Parauniversitar Kukës në bashkëpunim me Klubin e Shahut Kukës OJF zhvilloi sot kampionatin e shahut për shkollat 9-vjeçare të Bashkisë Kukës.

Shkollat pjesëmarrëse ishin:

1.Shkolla 9-vjeçare “Vehbi Shehu” Bicaj

2.Shkolla e mesme e bashkuar “Imer Mata” Zapod

3.Shkolla 9-vjeçare “Bajram Curri” Kukës

4.Shkolla 9-vjeçare “Avni Rustemi” Kukës

5.Shkolla 9-vjeçare “Nuredin Braha” Bushat 6.Shkolla 9-vjeçare “Gani Sadiku” Nangë

7.Shkolla 9-vjeçare “Riza Spahiu” Kukës

8.Shkolla 9-vjeçare “Lidhja e Prizrenit” Kukës

9.Shkolla 9-vjeçare “1 Qershori” Kukës

10.Shkolla e mesme e bashkuar “Elmaz Ademi” Bardhoc

11. Shkolla 9-vjeçare “Sali Bruka” Malqene

12.Shkolla 9-vjeçare “Shaban Murati” Lusën

13. Shkolla e mesme e bashkuar “Qazim Shehu” Shtiqën

14. Shkolla e Mesme e Bashkuar Shemri

15. Shkolla 9-vjeçare Kalimash

16. Shkolla 9-vjeçare “Hamdi Pelivani” Orgjost

17. Shkolla e mesme e bashkuar “Ahmet Voka” Gostil.

Morën pjesë 14 ekipe nga 17 shkolla, nga ku u angazhuan 61 fëmijë dhe u zhvilluan 232 ndeshje.

Në finale dolën 3 ekipe sipas renditjes së mëposhtme:

1. Shkolla 9-vjeçare “Bajram Curri” Kukës,

2. Shkolla e mesme e bashkuar “Imer Mata” Zapod

3.Shkolla 9-vjeçare “Vehbi Shehu” Bicaj.

Zyra Vendore Arsimore Kukës vlerëson angazhimin maksimal të nxënësve dhe mësuesve të Edukimit fizik që bashkë me specialistët e Klubit të Shahut monitoruan lojën e shahistëve të vegjël.

#ZVAPKukës

Sot ne shkollën “Beqir Hamza”Novosej me dashurinë , krenarinë per Atdheun dhe flamurin shqiptarē u zhvillua aktiviteti me recitime ,interpretime dhe valle popullore.

MirgentKastrati — Thu, 24 Nov 2022 08:29:21 +0000

Sot ne shkollën “Beqir Hamza”Novosej me dashurinë , krenarinë per Atdheun dhe flamurin shqiptarē u zhvillua aktiviteti me recitime ,interpretime dhe valle popullore.

Ju lumtë nxënës për bukurinë dhe gjallërinë që i dhatë shkollës .Falenderojmë të gjithë mësuesit ,por një falenderim i veçantë është për mësuese Mahmudije Onuzi ,që me përkushtim të madh organizoi këtë aktivitet kaq tè bukur !GËZUAR FESTAT !

Drejtuesi i ZVAP Kukës, z.Albert Muja zhvilloi një takim pune me punonjësit e shërbimit psiko-social.

MirgentKastrati — Wed, 02 Nov 2022 11:38:34 +0000

Sot në Zyrën Vendore Arsimore Kukës drejtuesi i institucionit z.Albert Muja zhvilloi një takim pune me punonjësit e shërbimit psiko-social.

Standardet e përgjithshme profesionale të SHPS-së, Parimet për etikën profesionale dhe Metodologjia e vlerësimit psiko-social të punonjësve arsimorë dhe të punonjësve të tjerë në institucionet arsimore të sistemit parauniversitar ishin në qendër të këtij takimi.

Takimi u mbyll me kërkesën e drejtuesit të ZVAP-së për korrektesë, përgjegjshmëri dhe objektivitet në punën e tyre.

Takim i rrejteve Profesionale (Zvap Kukës)

MirgentKastrati — Sat, 24 Sep 2022 13:44:27 +0000

Në kuadër të zhvillimit profesional të mësuesve , sot në ambientet e shkollës 9-vjeçare “Avni Rustemi” Kukës, ora 9:00 drejtuesit e rrjeteve profesionale zhvilluan një takim me të gjithë mësuesit sipas profileve.

Duke pasur parasysh qëllimin që funksionimi cilësor i rrjeteve është një nga format më efektive të zhvillimit profesional të punonjësve arsimorë në nivel lokal, ata diskutuan Udhëzimin nr.17 , datë 05.07.2022 të MAS “Për vlerësimin e nxënësve ne arsimin parauniversitar”; hartimin e planeve lëndore vjetore dhe ato të periudhës, të planit vjetor të rrjetit dhe çdo problematikë tjetër.

Zyra Vendore Arsimore Kukës vlerëson bashkëpunimin dhe përkushtimin duke uruar dhe një vit të mbarë mësimor.